Гадаад Даян ХХК

Барилгын ханыг кноп дараад шавардах боломжтой болжээ

Барьж буй байшингийхаа ханын шаврыг гараараа шавардаж цаг алдах шаардлагагүй болжээ. Кноп дараад л шавардаад байх боломжит технологийг үйлдвэрлэлд нэвтрүүлээд эхэлчихэж. Хятадад ажилладаг Хонконгийн хөрнгө оруулалттай “Изрэнда” үйлдвэр барилгын хана шаварддаг машиныг зах зээлд нийлүүлж эхэлжээ. Энэ машин манайд ч ороод ирсэн байна. Оруулж ирсэн газар нь “Гадаад даян” компани юм байна. Тус компанийн захирал Д.Золбаяртай ярилцлаа.

-Танай компани шаврын шинэ тоног төхөөрөмж оруулж ирсэн гэж сонслоо. Ямар технологи оруулж ирсэн бэ?

Манай компани барилгын тоног төхөөрөмж, төхөөрөмжийн худалдаа мөн зуучлалын чиглэлээр жил гаруй үйл ажиллагаа явуулж байна. Анх кран оруулж ирж байлаа, одоо бид хана шаварддаг автомат шаврын машин оруулж ирээд байна. Энэ жилээс боловсронгуй болж , сүүлийн үеийн загвар нь гарч байгаа юм. Бид хэсэг хугацаанд танадалт хийж, янз янзын арга хэлбэрээр туршиж  явсаар энэ технологийг үйлдвэрлэлт нэвтрүүлэнгүүт нь гэрээт түнш нь болж албан ёсоор анх оруулж ирээд байна.

-Яаж ажилладаг вэ?

Автомат  шаврын машиныг ажиллуулахдаа хананд шаврынхаа хэмжээг тогтоож өгөөд дээд тал нь 3см, доод тал нь 0,5мм-ын зузаан байхаар шаврынхаа зузааныг өгчихдөг юм. Тааз руу нь автоматаар шахангууд өөрөө бэхлэгдчихдэг. Бэхэлж дуусасны дараа шаврын машиныхаа шавар хийх хэсэг рүү шавраа хийгээд START кнопийг дархад машин маань дээш явж шавраа ханандаа наана, тэгээд буухдаа наасан шавраа өнгөлөөд бууна. Хамгийн гол шаврын тогтолт, өнгөлсөн байдал, тэгш эсэх нь чухал байдаг. Шаврын тогтолт бол хүний гараар нааснаас илүү сайн тогтож байгаа. Машин маань дээшээ гарахдаа 3 вибратораар зэрэг тогтоод шавраа наачина. Шавар татах өргөн нь нэг метрийн өргөнөөр шавардана. Мөн шаврынхаа зузааныг өгөхдөө ямар ч алдаагүй өгвөл хэдэн ч эгнээ явсан ямар ч хотойх гүдийх юмгүй өөгүй болж байгаа.

-Хэдэн хүн ажиллуулах вэ?

Хэрэв хүн гараараа шавар хийнэ гэвэл эхлээд цацна, тэгээд рек төмрөөр татаж тэгшилнэ, хатаасны дараа өнгөлгөө шавар хийнэ гээд их ажиллагаатай. Ингэж шавардлаа гэхэд хүн өдөрт  40-50м квадрат шаварддаг. Ямарч байсан 3 хүн нийлж шавардаж байж энэ хэмжээний газрыг бэлэн болгоно. Манай машин жигдхэн ажиллаад байвал өдрийн найман цагаар тооцход дунджаар 400-500м² талбай гараас гаргана. Шавардаад дадчихсан хүн бол өдөрт 700-750м²  хүртэл талбай шавардах боломжтой. Энэ машиныг 2 хүн ажиллуулхад хоёроос илүү хүн шаардлаггүй. Хамгийн гол нь зуурмагл бэлэн байх ёстой.

-Энэ шаврын машиныг  хэдээр авах боломжтой вэ?

Манай үнийн санал 12 сая төгрөг гэж байгаа. Үйлдвэрээс нь ч шууд үндсэн үнээр нь худалдаад авч болно. Гэхдээ тээврийн зардал, гаалийн татвар гээд нэг их зөрүүгүй болчихдог. Тэгээд ч үйлдвэрээс ганц нэгийг авахаар засвар үйлчилгээ гээд бөөн чирэгдэл үүсдэг. Манайхаас авчихвал засвар үйлчилгээг нь бид хариуцаад явчихна. Манай компани цаад үйлдвэртэйгээ хамтарч ажиллах гэрээ байгуулаад, нэг хүн сургаад ирсэн.

-Хэр хугацааны баталгаа өгч байгаа вэ?

Жилийн баталгаа өгч байгаа. Үйлдвэрийн мэргэжилтнүүд тосолгоогоо тогтмол хийгээд байвал 3-4 жил ашиглах боломжтой гэж байгаа. Манай бүтээгдэхүүнийг орж ирхээс өмнө Хятадын зарим компани манайтай гэрээ байгуулсан үйлдвэрээс санаа аваад ганц 2 машин дуурайлгаж хийсэн юм билээ. Тэр үйлдвэрүүдийн машин арай хямд үнээр орж ирээд байгаа учираас энэ машины нэр хүндийг унагаад байнлдаа. Биднийн хувьд сонирхоод ирсэн хүмүүсд шавардлага хийж үзүүлж байгаа.

-Шаврын баригад ажилуулснаас танай машиныг хэрэглэвэл хэчнээн төгрөгийн хэмнэлт гарах бол тооцож үзсэн үү?

Хоногт дунджаар 400-500м² буюу 5 сая төгрөгийн ажил хийнэ. Шаврын баригад 1м² талбайг дунджаар 10 мянган төгрөгөөр хийдэг. 500м² талбайг  хийхэд 10 орчим хоног шаардагдана. Хугацааны хувьд ч хурдан.

“Изрэнда ” хэр танигдсан үйлдвэр вэ?

Дэлхийд нилээд хурдацтай танигдаж байгаа үйлдвэр. Ялангуяа Орос , Арабын орнууд, Өмнөд Америкийн улсууд эдний бүтээгдэхүүнийг тогтмол авдаг. Гол борлуулалт нь энэ улсуудруу гардаг юм билээ.

-Танай машиныг ямар хүмүүс түлхүү сонирхож байна?

Шаврын баригадынхан их сонирхож байна. Тэд худалдаж авах гэхээр  бэлэн мөнгөгүй гэсэн асуудал гарсан. Тийм учираас манай компанийн зүгээс “ Хаан “ “Хас” банкны лизингэд хамруулж өгсөн. Манай энэ хүү машин Монгочуудын маань ажлыг хөнгөвчилж байвал бидний зорилго оршино. Машинаа дагалдуулаад жижиг төхөөрөмжүүд ч өгнө. Элс , цементээ зөөх цахилгаан ролк гэж байдаг юм. Ер нь бол жижиг кран гэсэн үгэлдээ . Гүйцэтгэгч барилгын компани хэд хэдэн шаврын баригад авах байсан бол манайхаас энэ төхөөрөмжийг  аваад  хоёр хүн зогсооход л болно. Барилгын баригад манай  төхөөрөмжийг авбал хийх байсан ажлаа хэд дахин нугалж хийнэ гэсэн үг.

Б.БААСАНСҮРЭН     С.АРИУНЖАРГАЛ

<Өнөөдөр сонин>